Loterías y apuestas

Apostas sinxelas:

Marca o equipo vencedor de cada un dos 14 primeiros partidos (incluídas as posibles prórrogas):

   - 1 gaña o equipo local (sinalado en primeiro lugar)

   - X (empate)

   - 2 gaña o equipo visitante (sinalado en 2º lugar)

Marca o resultado exacto do encontro sinalado na posición 15 (“pleno ao 15") (incluída a prórroga, se a houbese):

   - Marca os goles exactos que terá cada equipo ao final do encontro.

   - Se cres que algún dos equipos marcará 3 ou máis goles, marca o símbolo M.

Apostas múltiples:

Marca dous ou tres dos símbolos 1x2 nos encontros onde non teñas claro o resultado ou queiras optar a máis posibilidades. Tamén podes marcar máis valores no Pleno ao 15; ten en conta que participas con tantas apostas como posibles resultados marcases.

Apostas condicionadas:

Se queres realizar unha aposta múltiple pero cun importe menor, podes afinar o teu prognóstico xogando condicionadas:

   - Marca o C se queres afinar o teu prognóstico múltiple naqueles partidos onde teñas claro que se producirán variantes (resultado X ou 2).

   - Marca nas columnas correspondentes (Variantes, X, 2) o número de variantes (X ou 2), resultados de empate (X) e/ou resultados de 2 que cres que se producirán.

Deste modo eliminaches dos teus prognósticos múltiples os prognósticos menos probables, quedando só cos que ao teu xuízo teñen máis posibilidades de ocorrer, co que rebaixas o prezo do teu boleto.

Máis información aquí.

Apostas reducidas:

Podes reducir o prezo do teu boleto elixindo só un subconxunto das apostas múltiples que xogarías se xogases o boleto múltiple completo.

Neste caso Loterías asígnache as combinacións de prognósticos que xogarías no caso de que reducises o teu boleto segundo o número de múltiples indicado na táboa.

Máis información aquí.